និស្ស័យស្នេហ៍អ្នកជិតខាង ដោយ សុជីវី

និស្ស័យស្នេហ៍អ្នកជិតខាង ដោយ សុជីវី

អរគុណណាស់ សុជីវី ដែលបានជួយគាំទ្រ រាល់ការសរសេររបស់បង!

រូបថតដោយសុជីវី

និស្ស័យស្នេហ៍អ្នកជិតខាង

រឿងនេះ ជារឿងដែលហ្វេនៗបង ហេង ដារី រួមទាំងរូបខ្ញុំផងដែរ តាមទារ តាមដុតគាត់ឱ្យចេញជាសៀវភៅ។  

គ្រប់ស្នាដៃរបស់បង ហេង ដារី គ្មានរឿងណាដែលថាអានហើយមិនបាត់ស្ត្រេសនោះទេ។ អ្នកដែលធ្លាប់ស្គាល់ស្នាដៃ អ្នកនិពន្ធជើងចាស់ម្នាក់នេះ ច្បាស់ណាស់ ពិតជាដឹងថា រឿងរបស់គាត់មួយៗ ខ្លីតែខ្លឹម សើចម្នាក់ឯងរហូតគេឆ្ងល់។ 

#និស្ស័យស្នេហ៍អ្នកជិតខាង និទានពីទំនាក់ទំនងអ្នកជិតខាង រស់នៅក្បែរខាងគ្នា គួរចេះយកអាសាគ្នាទៅវិញទៅមក។ ទោះអ្នកខ្លះ មើលមកយើងក្នុងផ្លូវអវិជ្ជមាន ប៉ុន្ដែអ្នកនិពន្ធនៅតែជឿជាក់ថា​សេចក្តីល្អ ការយកអាសាគ្នានឹងមកនូវភាពសុខដុមរមនាជាមួយគ្នា។

របៀបរៀបរាប់របស់អ្នកនិពន្ធចាស់វស្សាម្នាក់នេះ នឹងអ្នកអានរបស់គាត់ឱ្យស្លុង សប្បាយ ពេញចិត្ត នឹងចរិតព្រមទាំងការសន្ទនារបស់តួអង្គ។ សាច់រឿងណែងណង ភ្ជាប់គ្នាបែបកំប្លែងស្ងួត កម្រមានអ្នកណាធ្វើដូច អានហើយជក់មិនចង់ដាក់ចុះពីដៃ។ 

ក្រៅពីនោះ អ្នកនិពន្ធនៅឆ្លៀតរំលេចពីជីវភាពរស់នៅរបស់មនុស្សក្នុងសម័យកូវីត១៩រាតត្បាតផងដែរ។ ការរៀបរាប់របស់់គាត់ នាំឱ្យរូបភាពនៃសាច់រឿងលេចត្រដែតនៅចំពោះមុខខ្ញុំដែលជាអ្នកអាន។ 

ខ្ញុំសូមណែនាំអ្នកដែលចូលចិត្ត ប្រលោមលោកបែប Comedy Romance សូមរកទិញរឿងនេះអាន។ 

វាជារឿងដែលខ្ញុំចង់ណែនាំជាពិសេសសម្រាប់អ្នកអានដែលចង់បំបាត់ស្ត្រេសបានអានរឿងដ៏ល្អវិសេសមួយនេះ។

និស្ស័យស្នេហ៍អ្នកជិតខាង (Love The Neighbor) 

©និពន្ធរឿងដោយ ហេង ដារី  

©រូបភាពក្របដោយ អ៊ុក រដ្ឋា 

©បោះពុម្ពផ្សាយដោយ នគរអាន 2020

©រាល់ការចម្លងដោយគ្មានការរអនុញ្ញាតិពីនគរអាននឹងត្រូវមានទោសតាមច្បាប់ 

©រូបថតដោយ ហេង សុជីវី